تعالوا احكيلكم شوية عن هرقل او هرقليز وهل كان هرقل بطل شجاع ولا شخص متغطرس ومتكبر 🤷🏻♀️.. هنعرف دلوقتي الاول هرقل يبقي ابن مين هرقل ابن الكميني اما ابوه ف هنقف ف الموضوع ده شوية😅 المفروض ان الكميني متجوزة من امفتريون ملك طيبة بس زيوس حبها فتنكر وغير شكله لشكل جوزها واتواصل معاها وطبعا حملت 🙆🏻♀️ كانت هيرا زوجة زيوس الغيورة بتغير اوي ع جوزها وبتحاول تدمر اي حد ليه علاقة بزيوس ف لما الكميني خلفت حاولت تتخلص من هرقل وطبعا كلنا عارفين انها بعتت ثعبانين علشان يقتلوه بس علي مين ده ابن اله ده 😎 هرقل خنقهم وموتهموبالمناسبة امفتريون كان عارف زيوس عمل ايه مع مراته وكان فرحان ان زيوس الاله شاركه الفراش مع مراته 🙃🐑ما علينا هرقل اتعلم كل فنون القتال لما كان شاب وامفتريون اداله دروس ف قيادة العربات كان الراجل بيعامل هيراكليز كانه ابنه الصراحة وكمان اتعلم المصارعة والرماية لا ده كمان خد دروس ف الغنا والعزف يعني كان كامل متكامل يبشا 💙بس كان هرقل عنده مشاكل ف الغضب وده اللي خلاه يقتل المعلم بتاعه اللي اسمه لينوس راح امفتريون نفاه للريف يعيش هناك ويحاول يسيطر ع غضبه ورجع لطيبة تاني لما كان عنده ١٨ سنة ووقتها لما رجع كان ف اسد خطير ف المدينة وكان بيهاجم الحيوانات والبشر وكان الكل خايف منه طبعا هرقل قتله ومن بعدها بقي يلبس جلد الاسد ع ضهره زي ما شوفنا ف الصور والافلام ف ملحوظة عايزة اقولهالكم هرقل ده لقب مش اسمه الحقيقي اسمه الحقيقي الكيديس وكان اخوه اسمه افيكليس اه كان ليه اخ طب ايه هرقل ده ده لقب اكتسبه بعد كده ومعناه مجد جونو اللي هي هيرا طبعا هيرا مش هتسكت ع كده راحت بعتتله نوبه جنون وخلته يقتل ٦ اطفال وولاد اخوه وعلشان يكفر عن ذنبه راح للملك يوريسثيوس اللي هو ابن عمه زي ما نبوءة ابوللو قالتله وطلب منه الملك ١٢ عمل تعالوا بقي اقولكم اي هي الاعمال دي اول حاجة قتل اسد نيميا 🦁 وده كان جلده مش بتخترقه الاسلحة طب هرقل يعمل ايه قام خنقه وسلخ جلده ولبسه برده معرفش ايه حكايته مع الاسود 😂😂تاني عمل قتل الهيدرا وده كان وحش ليه جسم كلب وروؤس افاعي 🐍 وكان هرقل كل مايقطع راس تطلع اتنين مكانها رح قرر انه كل مايقطع راس يولع مكانها علشان متطلعش اتنين تانينخلصنا من الهيدرا خش ع العمل التالت وهو انه يقبض ع وعل اركادي ايه هو الوعل ده حيوان زي الغزالة 🦌 سريع اوي وقرونه ذهبية وليها اظافر برونزية ماشي هرقل جابه ايه تاني يا يوريسثيوس قاله عايز خنزير ارومانثوس 🐗 ومن غير ولا جرح فيه يا هرقل والله انت اللي خنزير يا اخي 🌚🌚🌚 يجماعة الخنزير ده مش خنزير عادي ده بالغ الشراسة وحجمه كبير جدا 🤦🏻♀️ومع ذلك مسكه هرقل واداه للملك ها ايه تاني 😌العمل الخامس بقي انه ينضف حظائر اوجياس بتاعت ملك مدينة اليس ودي فيها ٣ الاف ثور ومتنضفتش من سنين ياعيني عليك يا هرقل 🙆🏻♀️ لا وكمان عايز ينضفها ف يوم واحد راح هرقل يعمل ايه حول مجري نهر الفيوس للحظائر دي واتنضفت من غير مجهود ودلوقتي كلنا متخيلين هرقل بنضارة شمس وجوب 😎🚬 تسقيفة لهرقل 👏العمل السادس بقي انه يطارد طيور ستومفالوس 🦅 عارفة ان الاسامي رخمه بس مش عايزة اسيب معلومة الطيور دي ليها مناقير ومخالب من البرونز واجنحتها كمان من البرونز مش عارفة ازاي بس ماشب كانت بتقتل البشر والحيوانات وبتاكل لحومهم هما كده زومبي صح 😅 كانت عايشة الطيور دي ف منطقة ف اركاديا هرقل قضي عليها بمساعدة اثينا وخلصوا ع الطيور دي تشكري يا اثينا والله نيجي للعمل السابع انه يقتل الثور الكريتي الجبار 🐃وده كان بيخاف منه المل الثور ده اداه بوسيدون للملك مينوس راح هرقل اتصارع معاه وقتله ده انت مينوس هيعمل منك بتتاس محمرة يا هرقل 🤦🏻♀️😅العمل الثامن الحته دي انا بحبها الصراحة بصوا كان فيه ملك اسمه ديوميديس ملك مدينة تراقيا الملك ده كان مربي خيول 🐴 وكان بياكلها لحوم بشر راح هرقل قتله وقدم لحمه لخيوله وبعد كده رجعت اليفة تانيندخل ع العمل التاسع انه يجيب للملك حزام هيبولوتي بتاع ملكة الامازونيات و الامازونيات دول اشتهروا بالقوة بس الملكة اعجبت بهرقل اصلا وقررت تديله الحزام من غير مقابل واقعة اوي بس هرقل فكر انهم هيخنوه راح قتلهم وقتل الملكة اللي بتحبه 💔💔 وخد الحزام ورجع لوطنه اللي هو ليه كده يا بسيوني ده انا اتغيرت علشانكنيجي بقي للعمل العاشر وهو انه ياخد ثيران جيرون من غير استئذان ولا حتي يدفع حقهم وجيرون ده كان عملاق ب٣ رؤوس راحل هرقل قتله بردو وخد الثيران بتاعته ورجع لبلده تاني العمل ال١١ يا مسهل يارب العمل ده انه يجيب تفاحات الهسبريديات الذهبية🍎 والهسبريديات دول بنات اطلس اللي بيحمل الكوكب بتاعنا تخيلوا طب هرقل ميعرفش مكنهم طب يعمل ايه راح لاطلس نفسه وقله بص يبشا هاتلي التفاحات وهشيل عنك السما امين يبابا قاله ماشي جابله التفاحات راح هرقل قاله امسك بقي السما شوية عقبال ما امسك التفاح واول ما مسك التفاحات جري وضحكله ضحكه صفرة كده ومش ببالغ هو فعلا عمل كده 😅😂😂العمل الاخير بقي علشان زهجت انه يجيب الكلب كيربيروس من العالم السفلي وجابه من غير ما هاديس يقف ف طريقه مهو ابن اخوه بردو وبطل ف خلاص بقيطيب ايه اللي حصل بعد كده حد يعرف تعالوا اقولكم بعد ماخلص ال ١٢ عمل رجع البيت لقي الملك ليكوس عايز يقتل عيلته راح قتله هو كمان وبعد اصابه الجنون مرة تانية وقتل مراته واولاده نيجي بقي لحته هو كان بطل شجاع ولا متكبر ومتغطرس الكاتب اليوناني يوربيديس ف مسرحية هيراكليز مجنونا قال ان كان السبب ف جنونه هي هيرا ومع ذلك ممجدش ف هرقل كتير ف المسرحية كان هدف المسرحية هي تمجيد مدينة اثينا مش اكتر نيجي بقي للكاتب الروماني سينكا ف مسرحيتة اللي بتحمل نفس الاسم سينكا عرض جنون هيراكليز ع انه نتيجة غطرسته وجنون العظمة وان الجنون ده جاي من جواه مش الالهه السبب فيه ف خلاه هو المسؤل عن كمية القتل اللي حصلت دي مش هيرا وانا الصراحة بتفق مع سينكا هرقل مكنش بطل شجاع ولا حاجة ده قتل ناس كتير من ضمنهم ولاد اخوه واولاده ومراته ومعلمهانتوا بقي قولولي شايفين ايه هل فعلا هرقل بطل شجاع ولا شخص متغطرس مصاب بجنون العظمة ؟!
Tell me a story. غير ان انا شوفت المسلسل علشان paul wesley و danielle campbell 😅❤️❤️ بس الحقيقة المسلسل جميل جدا والمسلسل موسمين بس بيتكلم عن قصص زي ذات الرداء الاحمر والخنازير التلاتة والذئب سندريلا والاميرة والوحش وقدر يحول قصص الطفولة دي لقصص حقيقية مخيفة تناسب وقتنا الحالي ومش محتاجة اقول ان paul wesley ابهرني كالعادة بالذات ف season 2 وقدر يخليني اتعاطف معاه مع انه ارتكب جرايم والمفروض ان يبقي هو الشرير بس هيخليك تتعاطف معاه لو هقيم المسلسل هديله 7.5/10 #tell_me_a_story ❤️❤️❤️
#اساطير انهاردة هحكيلكم عن الجرجونة ميدوسا 🐍طبعا كلنا عارفين ان ميدوسا مسخ من المثيولوجيا الرومانية وعارفين ان شعرها عبارة عن ثعابين وان اللي بيبصلها بتحوله لحجر 💀 طب ميدوسا دي اتخلقت كده ولا كانت بشرية واتحولت للشكل ده .. ده اللي انا هحكيه دلوقتي ومحدش يكفرني ويقولي اللي بتحكيه ده كفر لان دي اساطير قصص خيالية زي قصص الاطفال ف هاف فان يجماعة 😅 مين ميدوسا دي ميدوسا بنت اله البحر فوركوس وده غير نبتونوس لان ده اله بحر انما نبتونوس اله البحار والمحيطات والانهار واي بقعة مايه ع الكوكب 🌊 المهم امها بقي تبقي الحورية كيتو 🧜 وكان عنها اختين وهما سنثيو ويوريالي وكان التلات بنات جمال جدا وده اللي خلي نبتونوس اله البحار والمحيطات عند الرومان او بوسيدون عند الاغريق يقع ف حبها وهي كمان كانت بتحبه فعملوا الهيء والميء مع بعض بس الكلام ده كان فين ف معبد اثينا او منيرفا اللي هي اصلا ربة العذاري والعذرية فتخيلوا بقي 🙆🏻♀️ 🙃طب منيرفا او اثينا تسكت لا طبعا قررت انها تنتقم من ميدوسا عملت فيها ايه حولتها لوحش مجنح وبقي عندها مخالب برونزية وخصلات شعرها اتحولت لتعابين وبقي عندها كمان انياب ضخمة ولسان طويل زي الثعبان وخلت عندها كمان القدرة انها تحول اي حد لحجر بمجرد بس النظر ليها طب ليه متنقمتش كمان من بوسيدون طب ليه ابو ميدوسا ممنعش مينيرفا اقولكم ما الالهه درجات هما كمان عندهم وسايط 🤦🏻♀️دي اول نظرية عن غضب مينرفا او اثينا النظرية التانية بتقول ان ميدوسا قالت انها اجمل من منيرفا وف بيقولوا انها قالت ان شعرها هو الاجمل وطبها اثينا غيورة كاي انثي يتقلها الكلام ده 💁🏻♀️ ما المفروض بردو مكنتش تتحدي الالهه 🤦🏻♀️ المهم اثينا تسكت ع كده كفاية اللي عملته ف البت لا طبعا تروح كمان تبعت برسيوس نصف الاله علشان يقتل ميدوسا لا دي كمان خلت الاله ميركوريوس اللي هو رسول الالهه عند الرومان وهرمس عند الاغريق يساعده علشان تتخلص من ميدوسا خالص بقي منيرفا قالت لبرسيوس ان يروح الاول للربات القدر التلاتة علشان يقولوا علي مكان ميدوسا دول التلاتة اللي ظهروا ف فيلم هيراكليز اللي ليهم عين واحدة وعلشان كمان يخليهم يتكلموا سرق منهم العين الواحدة اللي بيمتلكوها وادهالهم تاني لما جابوا ع سؤاله 😌 وقالولوا كمان ان لازم يبقي معاه خوذة بلوتو 🧢 اله العالم السفلي عند الرومان وهاديس عند الاغريق لان الخوذة دي هتخفيه عن الانظار وكمان خف او نعال مجنح 👞 بتاع ميركوريوس علشان يساعده ع الطيران لا وكمان ادوله كيس 💼 علشان يحط فيه راس ميدوسا لما يقطعها اللي هو الراجل ده كريم اوي يبابا بصوت محمد هنيدي* وكمان منيرفا ادته درع لامع علشان صورة ميدوسا تنعكس عليه علشان طبعا لو بصلها بطريقة مباشرة هيتحول لحجر وكمان ميركوريوس اداله سلاح عبارة عن منجل حاد كلهم ع البت حسبي الله 🙃🙃 وصل برسيوس بالسلامة لجزيرة كده صخرية ف ويط مجري اوكيانوس وقتل ميدوسا ودي نهاية ميدوسا الحزينة تاني الكلام اللي هقوله ده مجرد قصة خيالية محدش يقول كفر والحاد 💁🏻♀️😂😂بيقولوا بقي ان لما ميدوسا اتقلت اتخلق من دمها البيجاسوس اللي هو حصان باجنحة لا مش زيوس اللي عمله زي ماشوفتوا ف الفيلم بس كده #ميثولوجيا_رومانية
#اساطير انهاردة هحكيلكم ليه ريش الطاووس عليه عيون كتيرة الاسطورة بتقول أن كان ف كائن اسطوري اسمه ارجوس كان تابع للربة هيرا ارجوس ده كان مسخ عنده عيون كتيرة ف جسمه عدد لايحصي وبيقدر يشوف كل حاجة من كل جهه علشان كده اتسمي أو لقب ب "بانوبتيس" والاسم ده معناه الذي يري كل شئ كانت هيرا مكلفاه بمهمه أنه يراقب بقرة اسمها ايو علشان تبعد زوجها زيوس عنها بس زيوس أمر ابنه الإله هيرمس بأنه يقتل ارجوس وده الي حصل هيرمس قتل ارجوس ولما هيرا عرفت حزنت عليه وقررت انها تكرمه بأن خلت عيونه منتشرة علي ريش الطاووس ودي كانت أسطورة الطاووس عند الاغريق ❤️تعديل: البقرة دي كانت بشرية وكان زيوس بيحبها ولما مراته هيرا شكت فيه حول البشرية لبقرة وقدر يرجعها لبشرية تاني وهي ف مصر عن طريق لمسه مقدسة واللي كانت السبب ف ولادة ابنهم ابافوس #ميثولوجيا_اغريقية
نسخ الرابط