نسخ الرابط
عبدالرحمن حمادة
كوبي رايتر متخصص في مجال التعليم الإلكتروني. مهنتي هي جلب المزيد من الأرباح للشركات 💵
شباب اعرضوا نفسكم على اصحاب الصفحات الأونلاين هايجيلكم فرص شغل بإذن الله، بس ماتعرضوش نفسكم بطريقة تقليدية:✅ قوله معلومات عنك باختصار (السن، المؤهل)✅ المهارات اللي عندك✅ ازاي الشركة بتاعتهم هاتستفيد بشكل محدد من المهارات اللي عندكمثلا: أنا محمد، خريج تجارة عندي 21 سنة اقدر ازودلكم عدد الزيارات للموقع بتاعكم ودا بالتالي هايزود من ارباحكم.✅ لو لاحظت مشكلة في الشركة وعندك حل ليها، قوله عليها وقوله تقدر تحلها ازاي مثلا: لاحظت إن عندكم بطء في الرد على عملاء الصفحة وللعلم إن العميل لو ماتمش الرد عليه خلال دقيقتين بيبدأ يفقد الاهتمام.. انا اقدر ارد على العملاء عندكم في ظرف دقيقة واحدة✅ اعرض عليه خدمة مجانية بسيطة بحسب طبيعة شغلك عشان يشوف شغلك بشكل حقيقي. لو بدأ يتجاوب معاك ابعتله باقي التفاصيل عنك او خد رقمه واتكلم معاه. *حاول توصل لصاحب الشركة نفسه بشكل مباشر ودي تقدر تعملها بشوية بحث على الفيس بوك (فرصك هاتكون في الوظيفة أفضل لإن المودريتور ممكن مايرضاش يوصلك بيه أو يطنش رسالتك)ابعد تماما عن الطريقة التقليدية: انا محمد ودا السي ڤي بتاعي لو عندكم فرصة وظيفة ليا، عشان غالبا مش هايرد لإنك ما أثارتش انتباهه وهايقولك بالتوفيق ان شاء الله لو اتوفرت فرصة هانكلمك #محتوى_ثقافي #باز_يجمعنا #التسويق #التسويق_الالكتروني #التسويق_الرقمي
نصيحة جميلة جدا من وراين بافيت: "إذا قمت بشراء مالا تحتاجه، سيأتي عليك وقت تبيع فيه ماتحتاجه"ماتهزرش مع الفلوس #محتوى_ثقافي #باز_يجمعنا
نسخ الرابط
ليه وانت بتنتج محتوى لجمهورك بتحس إن الإفكار خلصت منك وإن مفيش حاجة جديدة تقدر تقدمها؟ عشان مش بتخطط لعملية إنتاج المحتوى، وكل يوم بتنتج محتوى يوم بيومه (الموضوع دا مرهق جدا جدا إنك تصحى كل يوم وتقول هاقدم ايه النهاردة؟). لذلك خطط على الأقل لمدة أسبوع✅ عناوين المواضيع✅ المصادر اللي هاتجيب منها المعلوماتبكدا هاتبقى عارف إنك يوم الثلاثاء هاتكتب في الموضوع الفلاني ومصدر البحث اللي هاتجيب منه المعلومة معاك، يعني هاتشتغل فورا بدون ماتكون متعطل🛑 عملية إنتاج المحتوى بشكل مستمر حرق طاقة بجد، وبتستنزف مخك، لذلك اعمل الخطوتين دول هاتستريح #التسويق #التسويق_الالكتروني
نسخ الرابط
أهم عنصر بالنسبالي في إنتاج المحتوى، هو الاستمرارية والانتظام. أنا من ضمن الأخطاء اللي بعملها هي عدم انتظامي في إنتاج المحتوى ودا لإن مفيش غاية محددة بدقة عايز اوصلها. يعني في الوقت الحالي بنشر لمجرد إني بحب مشاركة المعلومات مع ناس مهتمة. لكن مفيش غاية مادية أنا محددها بدقة عشان اعرف اكسب مستقبلا وإن كنت هاعمل كدا بالتأكيد يوما ما، ودي أكبر ميزة لإنتاج المحتوى، هي إن الناس تبقى عارفة انك ممكن تكسب منهم مستقبلا مع ذلك معندهمش مشكلة لإنك بتفيدهم باستمرار قبل ماتستفيد منهم #التسويق #التسويق_الالكتروني #محتوى_ثقافي #باز_يجمعنا
نسخ الرابط
فخ إوعى تقع فيه (أنا شخصيا وقعت فيه) لما بتيجي تقرر تتعلم حاجة (على سبيل المثال التسويق) بتلاقي مصادر كتير جدا، وبتختار منها واحد، بس بعد فترة بتلاقي المصدر دا فيه حاجة مش عجباك، يا إما طريقة الشرح مش أحسن حاجة، يا إما المادة العلمية كويسة بس فيه حاجة ناقصة مش مغطياها.. وهكذا.طبعا انت بتكتشف دا بعد مابتكون خلصت ربع الكورس مثلا، فبتقرر انك ماتكملش وتبدأ في كورس تاني من جديد وانت فاكر ان فيه كل حاجة انت عايزها. أظن دلوقتي انت عرفت الفخ فين؟ "هو إنك مابتكملش كورس واحد للنهاية" بسبب ظنك إن فيه كورس أجمد منه. وانا بقولك مش هاتلاقي مصدر كامل أبدا فيه كل حاجة 100%. لازم هاتلاقي حاجة ناقصة.✅ عشان كدا لو لقيت كورس عليه آراء كويسة والناس بتشكر فيه، كمل فيه للنهاية وتغاضى عن أي نقص، عشان تعرف تنجز. لكن لو فضلت زي النحلة من كورس لكورس، مستواك دايما هايفضل مبتديء. #التسويق #التسويق_الالكتروني #محتوى_ثقافي #باز_يجمعنا
نسخ الرابط