إن كان في العُمر مُتسع، لدي فكرة أُريد أن أُناقش فيها البعض، في ظِل الكلام عن التعليم الشرعي، أو ظل الحماسة الشديدة، أو ظل الحيرة الشديدة، بعض الأسئلة اللي لازم تُطرح على الطربيزة ويتم سؤالها الأول قبل ما نخوض رحلة من تلقي معارف قد نكتشف بعد ده كله أنها مش مفيدة بشيء، حتى لو كانت معارف شرعية!بل أن المعارف الشرعية ممكن يكون لها سلطة وجذب وشهوة أعلى من أي نوع آخر من المعارف والثقافة، لأسباب مختلفة.بل إن الحيرة الشديدة أوقات في التلقي وغياب الأصول تحتاج شوية تفكير، يمكن هحتاج نفتح بعض الجروح المقفولة، أو نفتح جروح متفتحتش لأنها هتتفتح شئت أم أبيت بعدين في ظل الواقع الحالي.لو سمحت الظروف ممكن يكون لنا لقاء على باز يوم الجمعة بعد العصر بإذن الله ندردش شوية حول التيه والمعارف الشرعية والثقافة الشرعية والمربع الأول اللي مبيخلصش، والخطة اللي بنستناها ومبتجيش، والطريق اللي بنتخيل أننا بنمشيه وأحنا مبنمشهوش، وأوقات حالة بنعيش فيها وهي مش حقيقية للأسف. وندوس على بعض الجروح اللي ربما تكون مؤلمة لكنها ضرورية في رحلة التعرف على الله بشكل حقيقي.لو حد مبيحبش النوعية دي ميحضرش، مش هدفي أتكلم كلام خفيف جميل، هدفي ندردش في الحقائق، سواء قبلتها أو مقبلتهاش، كانت ثقيلة أو خفيفة مظنش أن دي مهمتي، بس ده اللي أقدر أقدمه..
نسخ الرابط