فانن الزرائقه

قصة قصيرة:بين التصاور برشا دموع و تعب و فرحة و فشل و ندم و قوة و الاصرار و عزيمة و برشا كلام سمعتو وجعك و انا متأكدة الي كان فما واحد ولا وحدة مازالو يعانيو في وزن زائد و مزالو مخذاوش القرار الممصيري بش يعرفو على شنوا نحكي بطية دبة فيلة تييه برى اعمل ريجيم تي حتى التاكسي ما يرحمكش و يقلك باهيلك المارش ساعة علاه متمشيش تو تنقص و برشة كلام من نوع ماتتغشش عاد تمشيش تاكلني...بين التصويرتين رفض و عقد و اقصاء و ترحيب و مدح و مغازلة قبل كان الكلمة الي تسمعها هي محلاك مش كان تضعاف شوية تولي محلااك -_- توا تسمع محلاك و محلا زينك توا يقراو طبيعتك و يبداو يحكمو عليك من داخل و مالبرة خاطر قبل كان عندهم حكم مادي مسبق. يقول القايل كي انتي مرتاحة في بدنك شيهمك فالعباد شيهمك في النظرة الدونية و الكلام الي يجرح ماشي في بالهم الي نهار صلحت من روحي صلحت على خاطرهم ولا خاطر كلمتهم وجعتني. هذا الكلام الي يحبو يسمعوه خاطر انسان مرتاح في بدنو في مخهم معقد و يشوفوه ضعيف اما نهار الي يحط في قلبو عزيمتو تتقرى...نحب نقول كان كلمة برك تبع حلمك و حقق الهدف متاعك مهما يصير ما تحاولش ترضي اي مخلوق غير نفسك و نهار تلي تغزر في المراية تقول انا عاجبتني روحي نحب نقلك مبروك انتي انسان متصالح مع ذاتك يقول القايل كل واحد لازمو يشوف روحو مزيان مهما كان شكلو الخارجي انا نقول غالط خاطر اذا وصلت بنسبة مائة بالمئة تحب روحك بكل عيب فيك فهذا يعني انو صار وقت التغيير. انا بدني ما كانش اختياري نكون over weight حاجة مرتبطة بالجينات اما كان من اختياري اني نصلحو و نمشي على الثنية صحيحة 120كغ--> 87مااااااازاااالت الثنية و 75 جايتها جايتها....