من حقك في العلاقاتاولا : نحن لما ندخل علاقه بنفتش للاكتمال ببعض مش بنفتش للكمال في بعض وان اخطاءنا جزء من بشريتنا مش شذوذ عن الفطرة او شئ خارق للطبيعةثانيا: من حقك تحس انك مقبول ومقدر في كل الاوقات وبأي شكلا كان وايا كان نوع مشاعرك في الوقت دهثالثا: من حقك تتحب بدون شروط وكيفما كنت وزي ما انت وزي مافيك جانب مشرق وجميل فيك جانب مظلم وده لانك بشر ما ملاك وعادي جدا تغلط وتعرف غلطك وتصححه بدون احكام سيئة او تقليل مودة واحترامرابعا: من حقك تعبر عن مشاعرك تقدر تقول انا زعلان منك بدون غضب وتنفس عن زعلك ده وتبكي او تهرج وتجادل برضو بدون غضب تقدر تقول بحبك جدا وبريدك شديد بكل حماس ومن جواك بدون ما تخجل منها او تحس بيها عواره عواره 😂😂 او تخت ليها شرط التقدير والتبادلخامسا: من حقك تكون صورتك في عيون الاخر وفكرته عنك بدون حدود وشروط او برواز من حقك تعيش الحب اللا مشروط والتقدير والاحترام لمجرد انك (انت ) بحلوك ومرك صاحك وغلطك _ بشريتك وانسانيتك قوتك وضعفك_ ثباتك وانفعالك #من_حقك_تكون_انت_وتتراد_وتتحب_لانك_انت وكفي. #حفصه زين العابدين 💚
لما تحس انك مشتاقً لشخص معين عبَر في حياتك دي دعوة عشان تشتاق لذاتك أكترمهما كان حجم الاشتياق للشخص ده فده بيعني شيئ واحد أنك مشتاق لنفسك أضعاف وأضعاف اشتياقك ليه حتي لو ما كنت عارفنحن نشتاق لأنفسنا في عيون الآخريننحب صورنا المفضلة لذاتنا في منظورهمنحب مثاليتنا في خاطرهمكل الوجود من حولنا هو محاولة لايصال رساله وفكرة سامية عن ذاتنا فكل اللعبة بتدور حول محورك الخاص انت وفي افهامك رسالتك الحقيقية وغايتك وهي انتوالعمل على ذاتيتك أكثر في كل المجالات ودي غاية العلاقات اللهي بتعكس داخلنا عشان نفهم أنفسنا عبرها لما نحب انفسنا ونحترمها ونقدرها بتستقر علاقاتنا وبتبقي طويلة ومحبهفذاتنا هي الأولوية وليست العلاقة بحد ذاتهالما تعاين في المرآيا حتشوف شخص واحد بس وهو انت ماحتشوف الناس اللي بتحبهم او البتشتاق ليهم او اللي غدرو بيك او اللي وعدوك بصداقة دائمه وفاتوا خلوك او اللي ماتوا وبكيت عليهم حتشوف الانعكاس انت فقطوهو ده الشخص اللي لازم تعمل عليه الآن وواجب أنك توليه الاهتمام والحب وتقدم ليه الدلال وتشتاق لي انك تشوفوا في اسمي واجمل حالاته كل يوم وكل شئ حولك مسخر ليه ولخدمتهاعلم عندما تشتاق لشخص فذاتك الداخلية مشتاقة لك وتحتاجك الآن أكثر من أي لحظة !!!!ف احب ذاتك وقدرها واحترمها عشان تسعد وتقدر تسعد اللي حولك #حفصه💚 #لايف_كوتش
نسخ الرابط