ثواني مش هاخد من وقتك كتير علي فكرة . سؤال بسيط انت عارف اي حد فينا بيصحي من النوم اول حاجة بيعملها ايه ؟ بيدخل الحمام عشان يتطهر سواء.. كانً مسلم او غير مسلم ًاو غير مؤمن بوجود إله ً .. بيغسل كف اليد ويتمضمض ويستنشق ويغسل الوجه ويغسل اليدين الي المرفقين وبعد كدا بيغسل الراس والاذن والقدمين ده اللي بيحصل صح ولا لا . فسواء كنت مسلم مش بتصلي او غير مسلم انت كده علي فكرة توضأت وانت مش واخد بالك . نقولها تاني. أنت كده علي فكرة توضأت وانت مش واخد بالك . 🙂مثال تاني . لما بتكون بره طبعا كلنا بنعرق والجو بيكون ملوث بسبب عوادم السيارات والورش والمصانع ولو معاك منديل وتمسح الوجه واليد بيه بتلاقي لون المنديل اتغير بسبب العوادم اللي جت علي جسمك بسبب التلوث اللي في الخارج عشان كده ربنا سبحانه وتعالي شرع انك تتوضأ في اليوم خمس مرات لحمايتك من كل اسباب التلوث وعدم النظافة اللي ممكن تقابلها طول اليوم في الشارع وطبعا كلنا عارفين أضرار التلوث ايه .✍️تعالي بقي اقولك الابحاث العلمية وصلت لايه في الفوائد الطبية للوضوء .. غسل اليدين يزيل بقايا العرق من على سطح الجلد ويفتح مسامات الجلد ليستطيع التنفس بشكل جيد. المضمضة بتخلص الفم من الجراثيم الموجودة بشكل دائم في اللعاب وعلى الأسنان واللسان وفي جميع أجزاء الفم بدليل لما بتروح لدكتور اسنان بيقولك خليك مستمر علي المضمضة بماء فقط بعد كل وجبه او بماء وملح او بمضمضة جاهزة . إذن مضمضة الماء في الفم تقيه من أمراض اللثة والتهاباتها ومن تسوس الأسنان وتقوي عضلات الفم والوجه وتخيل كدا واحد رائحة الفم مش حلوة بيكون عامل ازاي بسبب عدم النظافةأما غسل الأنف واستنشاق الماء يخلصه من الجراثيم الموجودة فيه. حتى إن الذي يحافظ على الوضوء بشكل جيد يكون أنفه خالياً تماماً من الجراثيم. وهذا يقي الأنف من الأمراض ومنع الجراثيم من الانتقال إلى الجهاز التنفسي واي دكتور امراض صدر وحساسية بيقولك حافظ علي الاستنشاق بالنسبة لغسل الوجه يعطي لجلد الوجه نضارة وحيوية ويخلصهُ من الجراثيم والغبار ويزيل بقايا العرق من على سطح الجلد ويفتح مسامات الجلد ليستطيع التنفس بشكل جيد. بالإضافة إلى إزالة الشحوم والدهون المتراكمة على جلد الوجه واليدين بسبب إفرازات الجلد وهذا ينعكس إيجابياً على الحالة الصحية للجسد واساتذة الجلدية بيقولك حافظ علي نظافة الوجهكما أن غسل القدمين مع تدليكهما جيداً يقي الجلد في هذه المنطقة من الإصابة بفطريات القدمين والعديد من أمراض الجلد في هذا لان القدمين معظم الوقت مكتومة بسبب ارتداء الاحذية🧐ومن الحقائق الطبية أن الدورة الدموية في أطراف الجسم عند اليدين والرجلين هي أقل منها في بقية أعضاء الجسم وذلك بسبب بعد هذه الأطراف عن مركز ضخ الدم وهو القلب وقد ثبت أن غسل هذه الأطراف وتدليكهما جيداً بانتظام يقوي الدورة الدموية ويزيد من نشاط ومناعة الجسم. وفي بحث حديث تبين التأثير الجيد للماء على الإنسان أثناء الوضوء في إزالة التوتر والقلق، لذلك يشعر المؤمن أثناء وضوئه بالطمأنينة، وهذا من أسرار الوضوء .👊الملخص . مستني ايه تاني عشان تحافظ علي جسمك من الامراض والتلوث والعقاب في الدنيا والاخرة . شوفت اي حاجة سيدنا محمد عليه افضل الصلاه والسلام قالها لينا مش من فراغ . قال تعالي. بسم الله الرحمن الرحيم . "وما ينطق عن الهوى - إن هو إلا وحي يوحى" وقال تعالي ايضاااا. بسم الله الرحمن الرحيم . إن الله يحب التوابين ويحب المتطهريناللهم صل علي سيدنا محمد صلي_الله_عليه_وسلم للاستفادة ما تنساش المتابعة ❤️❤️❤️

منذ يوم
Bazz Logo Download

استكشف محتوى ممتع ومشوق

انضم لأكبر تجمع للمجتمعات العربية على الإنترنت واستكشف محتوى يناسب اهتماماتك

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح