ببساطه

انا شخصياً مقتنعه جداا ان اللي بيقولك "انا مخنوق شويه بس محتاج ابق لوحدي ، او تعبان بس ف شويه وهكلمك" ايا يكن طريقه التعبير عن الحزن اللي جواه ليك او بيكتب بوست بسيط ، ف هو مش بيقولك انا حزين ، لا بيقولك متسبنيش انا محتاجلك ، افهموا ان مفيش حد هيكون عاوز يبق لوحده فعلا ويقولك سيبني لوحدي لانه ببساطه ممكن يقفل الفون خالص ويقفل عل نفسه ويبق لوحده فعلا من غير ما يقول ولا يوصلك دا ، هو ممكن جدا انه ميردش عليك خالص او يسيبك بالايام ، بس هو رد وعبرلك ، هو مش بيقولك سيبني هو عاوز يوصلك انه محتاج منك جملة "مش هسيبك ل دماغك برضو انا معاك يلا احكيلي" ف اللي يقولك سيبني لو بتعزه ، متسبهوش ،، عشان لو سبته صدقني لما يفوق ويبق كويس فعلا مش هيشوفك تاني ولا هيقولك انه حزين ووقتها اعرف انك بقيت ولا حاجه بالنسباله .

هناكَ أمورٍ صغيرة قد ترسمُ على ملامحنا الأبتسامة جميلة ، خذوا الأمور ببساطة ، فجمال الأشياء ببساطتها...💜🎶

اكتر إنسان حَقيقي يتخاف مَنُه..الشَخص اللي مَاعندوش مَبدأ ولا ثوابت ..اللي بيبرر اي حَاجه علي هَواه و بيَخلق لنَفسُه الاعذار علي كُل تَصرُفاته الغَلط ..و كُل هَمُه بَس إنه يَوصَل للي عايزُه .. مش فَارقه عَندُه خَالِص مين يَزعل بِسببُه ؟ أفعالُه هَاتخسّره مين ! مين مُمكن يتأذي من وراه ! ، الغاية عَنده تُبرّر الوَسيلة مَهما كانت إيه ..عَلشان كده اوعاا تأمن ابداً لِشخص بالطَبع دا مَهما كانت العِلاقة اللي بِتربُطَك بيه ، لأنه بِبساطة كده مَالوش عَزيز و لا غَالي ، و يبيع أي حَد بأي تَمن في سَبيل رَاحتُه و مَصلحتُه الشَخصية ..