شفت واحده عايرت واحده علشان مابتخلفش .. ولفت السنين وبنتها تطلق ، عشان مابتخلفش ؟شفت واحد عاير مراته إن اهلها متطلقين ؟ ، بعدها بشهور فشلت كل محاولاته للصلح معاها ، و اطلقوا خلاص ؟وولاده بقا اهلهم مطلقين ؟شفت واحده عايرت صاحبتها عشان متجوزه واحد فقير ؟؟ .. بعدها باقل من سنة زوجها الغني اتنصب عليه وفقدت كل شيئ وبقوا في الشارع حقيقه والله ؟شفت واحد بيطعن في شرف بنات الناس وهوايته يفضحهم ، وشفت بنته لما كبرت بتعايره وبتفضحه في كل حته انه ماعندوش شرف ؟ شفت واحده عايرت واحدة انها ما اتجوزتش ؟؟ وبنتها عدت نفس السن ولسة ماتجوزتش ؟بس كدا ؟لأ .. لسهشفت كمان ؟شفت واحده بتقف جنب صحابها و معارفها وجنب ناس ماتعرفهمش ، وشفت اد ايه ناس بيساعدوها في حياتها و في شغلها وبيقفوا جنبها ، واد ايه ربنا موقفلها ولاد الحلال ؟وشفت واحد بيدي وقته وفلوسه ومجهوده لأي حد يقصده في خدمة او مساعدة رغم ضيق الحال ، وشفت بعدها بسنين قليلة ابواب رزق كبيره بتتفتح له وفلوس مالهاش اخر حقيقه والله ؟وشفت واحده بتعالج اطفال ماتعرفهمش بتقول لعل الله يصلح ولادها ، وشفت ولادها اللي حالتهم كانت متدهورة بيتصلح حالهم ادام عيني والله والولد الكبير ف تانيه طب اسنان دلوقتي ؟شفت فضل وخير بيلف يلف ويرجع لصاحبه ، من حيث لا يدري ولا يحتسب ؟وشفت قسوة ووجع وجبروت ، بردو بيلف يلف ويرجع لصاحبه ، وبردو من حيث لا يدري ولا يحتسب ؟بذرة الخير بتطرح خير ، وبذرة الشر بتطرح شر ، وكل واحد بيختار هيزرع ايه ؟ازرعوا اللي عاوزين تحصدوه ، " فكما تدين تدان ؟ "" ده ربنا اسمه الحكم العدل "

كلنا بنتغير من غير ما نحس..من غير ما نرتّب !!يمكن عشان بنتحمل فوق طاقتنا..يمكن عشان المسئوليات قطمت وسطنا..يمكن عشان الدنيا طلعت قاسية اكتر ما كنا متخيلين..يمكن عشان اللي حولينا نفسهم بيتغيروا..يمكن عشان وقعنا كذا مرة و محدش مد ايده يقومنا..!يمكن عشان لقينا الحب و الاهتمام من آخر حد افتكرناه هيهتم و اقرب حد عمل نفسه مش من هنا !يمكن عشان اتكسرت حاجة جوانا فا قويت جوانا حاجات تاني..يمكن عشان اكتشفنا كل حاجة علي حقيقتها و مبقناش هبل و بيتضحك علي عقلنا زي زمان..اكيد عشان نضجنا و كبرنا و عشان الايام و المواقف اللي عشناهم محدش بيعلم زيهم !كلنا بنتغير سنه سنه ..و حتة حتة..كلنا مشاعرنا بتتضرب في الخلاط كل فترة و بتطلع كوكتيل يا حلو و بيحلي حياتنا يا مر و بيوجعنا ..اللي فاكر انه مش بيتغير بيضحك علي نفسه ، كلنا لازم نتغير للحلو او للوحش او نبقي حد تاني مش شبهنا اصلا و لا كنا نتخيل اننا هنوصله و كل ده مش بمزاجنا ..ده لازم يحصل عشان نقدر نعيش و نعدي كل اللي بنشوفه و نقدر نقوم و ننفض التراب من كل وقعة بنوقعها و نكمل في حياتنا عشان الحياة ما بتستناش حد و لا بتوقف علي حد ..

check Icon تم نسخ الرابط بنجاح