صباح الخير.. 🌸الصدمات اللي بتقابلنا وبتأثر فينا دايما أساسها التوقعات..بتكون متوقع حاجة ومرتب حياتك عليها هي بس ومش حاطط احتمالات لحدوث عكسها أو مستعد لوجود بديل ليها..في جملة لنجيب محفوظ في الإطار دا بيقول فيها:"لا تأخذ جرعة كبيرة من الثقة.. ‏اترك مكانًا للخيبة.. ومكانًا لاستيعابها أيضًا".ليه؟علشان الحياة مش ثابتة..والحاجة الوحيدة الأكيدة هي نسبيتها..فالطبيعي أنه حنقابل إخفاقات وخساير وهزايم زي ما حنحقق نجاحات ومكاسب وانتصارات..وعلشان يكون عندنا حصانة نفسية نقدر من خلالها نستوعب الخساير دي بتقبل.. فوقع الصدمة يكون أخف وألطف لما يحصل عكس اللي عايزينه.لازم يكون عندنا مساحة من المرونة في تفكيرنا ومشاعرنا لاحتمالية حدوث حاجة ماكناش نتمنى تحصل..المرونة دي حتخلينا نطلع من الحدث الصادم واقفين على رجلينا مهما اتوجعنا أو زعلنا أو ضعفنا..ودا مش معناه أننا نكون متبلدين أو مانتأثرش ولا نعبر عن زعلنا لما نواجه مشكلة..بالعكس.. التعبير عن المشاعر والأفكار حيساعدنا نتجاوز أسرع وأصح..الفكرة بس في رصيد الصلابة النفسية اللي حيكون معانا نصرف منه في الفترة المرهقة اللي حتيجي بعد أي مشكلة علشان نقدر نقوم تاني ونكمل طريقنا تاني..الفكرة كلها في التقبل والمرونة.دمتم بخير وعافية. #العيادة_النفسية #اسأل_ولاء_محيي #دليلك_النفسي #الصحة_النفسية #الصحة #محتوى_ثقافي #صناع_المحتوى #دنيا_و_دين #مصر #السعودية #البحرين #الكويت #الإمارات #قطر #فلسطين #دبي #السفر #الأدب #الرياضة #الطلاب #الطعام #صور #عاجل #الأخبار #الصحفيون #خواطر #المرأة #باز_يجمعنا #البازيين_الاصليين #البازيين_الجدد #أنا_وصديقي

اللي يحب مقابلتك.. واعده.واللي يحاول يخسرك.. ساعده.واللي تلاقيه في الشِدة بيباعد..زوِّد كمان بُعدين على بُعده. كلمات كتبها مايكل عادل.. في إطار تحقيق السلامة من كوارث وحوادث العلاقات عمومًا.. والحقيقة أن أفضل طريقة تتعامل بيها مع نفسك في تحديد علاقاتك.. علشان تحافظ على صحتك النفسية وتأمن نفسك من الخذلان والصدمات..أنك تسعى للي يسعى لك.. وتبعد عن اللي مش عايزك.تمشي للي شاريك.. وتبعد عن اللي مابيقدرش وجودك.ودا تقدر بسهولة تعرفه من المواقف..مش من الكلام..!اقراها تاني كدة.. (مش من الكلام).الكلام سهل جدًا.. بس وقت المواقف حاجة تانية.اللي حقيقي عايز يكون جنبك..حيكون فعلًا.. مش حيفضل يقول كنت عايز أكون.قدر نفسك علشان استحقاق التقدير بيبدأ من عندك.تصبحوا على خير وسلام 🌸🌸 #العيادة_النفسية #اسأل_ولاء_محيي #دليلك_النفسي #الصحة_النفسية #الصحة #محتوى_ثقافي #صناع_المحتوى #دنيا_و_دين #مصر #السعودية #البحرين #الكويت #الإمارات #قطر #فلسطين #دبي #السفر #الأدب #الرياضة #الطلاب #الطعام #صور #عاجل #الأخبار #الصحفيون #خواطر #المرأة #باز_يجمعنا #البازيين_الاصليين #البازيين_الجدد #أنا_وصديقي

صباح الخير.. 🌸في أي مباراة في الدنيا في وقت استراحة بين الأشواط.. في فرصة للاعبين يستعيدوا نفسهم ويستجمعوا قواهم بعد ما بيكونوا تعبوا ومنهكين من مجهود المحاولة.. استراحة المحارب لالتقاط أنفاسه مش عيب لما تتاخد في الوقت المناسب وتتوجه بحكمة.فرق كبير بين الاستسلام.. و الاستبصار بوجود مشكلة.اقف وخد بريك واعرف المشكلة فين ماتهربش من المواجهة.الاعتراف بالضعف والسماح لروحك ترتاح وتتنفس..بيخليك تكمل وأنت فاهم.بيخليك تكمل وأنت مش مقاوح في طبيعتك البشرية ومش معاند في مشاعرك.وأنت شايف الأمور أوضح.. بيديك قوة جديدة وطاقة تكفيك وتكفي غيرك من المسنودين عليك.أنت مش مضطر تمثل أنك كويس لو فعلا مش كويس. البكاء حقك لما تحتاجه.. ماتقيدش نفسك بأفكار سخيفة اخترعوها الناس وصدقوها وخلوك تصدقها.وماتنساش أن كل الناس تستحق تكون بخير وتستحق تعيش لحظات جميلة.. وأنت تستحق.فماتترددش في طلب المساعدة لما تحتاجها. #العيادة_النفسية #اسأل_ولاء_محيي #دليلك_النفسي #الصحة_النفسية #الصحة #محتوى_ثقافي #صناع_المحتوى #دنيا_و_دين #مصر #السعودية #البحرين #الكويت #الإمارات #قطر #فلسطين #دبي #السفر #الأدب #الرياضة #الطلاب #الطعام #صور #عاجل #الأخبار #الصحفيون #خواطر #المرأة #باز_يجمعنا #البازيين_الاصليين #البازيين_الجدد #أنا_وصديقي

صباح الخير.. 🌸علشان حد يكسب وينجح ويرتاح.. مش لازم في المقابل حد تاني يقع ويخسر وينتهي..!!دايما في وفرة للجميع يا جماعة والله.مش موجودين في الدنيا لوحدنا..لازم نستوعب باقي الموجودات من حوالينا.. علشان هو puzzle ومش حيكمل غير بوجود الباقيين.الفكرة كلها أن بتركيزك على غيرك حتتعطل عن وصولك لهدفك.. حتأذي وتتأذي.وفي النهاية ماحدش خسران قدك.عيشوا بمبدأ الوفرة حترتاحوا وتكسبوا وتتراضوا 💚ربنا خلقنا مع بعض علشان كل واحد له مكان مكتوب على اسمه.. ماحدش بياخد مكان حد.وخد بالك.. ربنا مابيخلقش حد مالوش لازمة.والله والله في الأرض متسع للجميع. #العيادة_النفسية #اسأل_ولاء_محيي #دليلك_النفسي #الصحة_النفسية #الصحة #محتوى_ثقافي #صناع_المحتوى #دنيا_و_دين #مصر #السعودية #البحرين #الكويت #الإمارات #قطر #فلسطين #دبي #السفر #الأدب #الرياضة #الطلاب #الطعام #صور #عاجل #الأخبار #الصحفيون #خواطر #المرأة #باز_يجمعنا #البازيين_الاصليين #البازيين_الجدد #أنا_وصديقي

check Icon تم نسخ الرابط بنجاح