التمييز

أنا ماتفهمتِش صح ولا مرّه الناس كبيرها تبُص من بره بيشوفوا لبسك وشكلك يحسبوك عايش وما دُمت عايش تبقى فُل الفل مادام بتضحك يبقى كله تمام الجيب فيه قرش تبقى عم الكل والقلب عال ومصالح الأيام وانا طول حياتي بواجِه الأزمةأزمة شعوري بإني مش مفهوم بيقولوا واقف يبقى مش واقع ويقولوا عنده – يبقى مش محروم –ويشوفوا طبعي يقولوا دمه تقيل مغرور وشايف نفسه متكبَّر مع اني طفل وقلبي طفل وفيّا شخص جميلمش ذنبي اني غصب عني ابان لُهم أكبر جمعوا من بين الصفات كل اللي مش فيّا شكيت ف نفسي وقُلت انا الغلطان حاسبت روحي ف حاجات ما كانتش في النيّهوجلدت ذاتي كإني متهّم هربان الناس بقِت معدومة التمييز وانا قلبي صافي وعنده أي حد عزيزوعيوبي باينه وعارفها واتقبِل بيها وان يوم غلِطت بالوم نفسي واصحيها كان قلبي واضح وصابح زي عود اخضر جيتكُم لقيتكُم بترموني بذنوب أكبر ده طبعه حامي وعامي روحه عن غيره وده طبعُه قاسي وناسي ناسه من خيره وانا بيتي أوسع من بيوت الخلق محدوف لظنّي وظني خانِق خنقوحضني مفتوح للي حابب بس أكون نفسي مريض بنفسي اللي خايفه مش مريض نفسي ونفسي بس اتفهِم بين الضمير والحلق