الناس

أنتي اللي جايبه لنفسك العين والحسد عشان كل حاجة بتحكيها وتتكلمي عنها، الناس لما بتشوفك دايماً بشوشة و بتضحكي وشكلك أصغر من سنك ولبسك شيك وكيوت وكلك على بعضك حلوة بتفكر أنك أسعد الناس ومعندكيش مشاكل للأسف !لكن الحقيقة هي أن هزارك وضحكك ماهو إلا قناع بتداري بيه خراب جواكى، شياكتك وحلاوتك ورقتك ماهي غير قبول من عند الله !أنتى اتأذيتى كتير بسبب سذاجتك عشان كده بقولك خفي شوية من بهجتك المصطنعة وداري فرحتك..• كام مرة تستني موضوع وميكملش ؟• كام مرة فرحتك مش بتكمل ؟• كام مرة تتكسر نفسك وروحك ومحدش يحس بيكي ؟دايماً العين عليكي حتى وأنتي في اسوأ حالة ادعوا الله أن يبعد عنك كل حاسدً وكل حقود. 🩷😊

ستر الضعف.. من علامات الصبر الجميل إن ربنا يرزقك القُدرة على ستر ضعف نفسك و إنكسارك.. بمعنى إن يستوي حالك في النعمة وفي النقمة.. إنك تتقبل أقدار الله بصبر وثبات ورضا ووقت ما تتعب أو تتألم تظهر ضعفك مع ربك وبس..إن الناس تشوفك تظُن إن مامرش عليك ابتلاءات أبدًا من ابتسامتك الراضية وظاهرك المُنظم وخفة روحك، وأنت بتمر بابتلاء تقيل ويقطم الضهر بس ربنا ساتر ضعفك عن عيون الناس وماحدش عارف حِمل قلبك غيره سبحانه.. "فَسَقَىٰ لَهُمَا ثُمَّ تَوَلَّىٰٓ إِلَى ٱلظِّلِّ"سيدنا موسى كان على سفر وغريب عن أهل المكان ومُطارد ورغم ذلك بادر بالإحسان .. "ثُمَّ تَوَلَّىٰٓ إِلَى ٱلظِّلّ"تولى وفي قلبه من الهم والخوف ما يعلمه ربه.. اظهر خوفه وافتقاره لله وبس.. {‏رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ} دعا به موسى عليه السلام فأذهب الله خوفه، ودحر عدوه، وفتح رزقه، ووهبه زوجة صالحة، ثم اصطفاه نبيا." اذهب إلى الله بضعفك يأتيك بقوته.. اذهب إلى الله بهمك يأتيك بفرجه.. 🤲🤍