مبسوط

لو عاد معتذراً.. بيقول انا غلطان وسامحني من فضلك.. واديك عينيا ضمان.. خلينا نرجع سوا ونبقي تمام.. ونعيش.. من بعد ما سبتك قلبي الحزين حيراان..وحياه كتاب الله.. لو كان مفيش إلاه.. ما هقضي ثانيه معاه.. ولا يبقي فيه غفران.. خليك بقي معاهم.. مش عوضوك عني..انا اهو خلاص ماشي.. وارتحت من زني.. لا هكلمك ياما.. ولا هبقي تقل عليك.. ويارب تبقي تمام مبسوط ومتهني.. انا مستاهلش اتساب ولا اكون ضحيه حد.. لو فاكر إن انا باب.. فالباب خلاص اتسد.. لو سبتني بكيفك يبقي اللي جاي كيفي.. في العادي انا حنين.. بس قاسي وقت الجد.. خلص الرصيد يا بعيد ومعدتش في يكفي.. استحملك وارضيك وامدلك كفي.. يا اخي دا انت اكتر حد انا كنت باقي عليه.. وانت الوحيد في الناس حبيت تسيب صفي.. خلي الحساب يجمع.. ويزيد عليه قسوتي.. وهيجي وقت اكيد هنراجعه ونصفي..

انا بقيت مقسوم نصين ... نص قصاد الناس بيضحك و بيحب الحياة .. لا بيشكي ولا بيبكي و كأنه ملك الدنيا و طال السحاب بايديه ....و النص التاني بيني و بين نفسي .. حزين و موجوع .. مبقاش عارف يعني طعم الفرح . كل احلامه اتكسرت و اتحولت لجرح مابيهداش .. وبين النصين بقيت مشتت و ملخبط .. التحول بينهم يكفي انه يسبب ضغط نفسي رهيب و صعب حد يتحمله .. انك تكون بتضحك و صوتك مسمع لاخر الدنيا و انت من جواك نفسك تصرخ بأعلي صوتك .. انك تكون مبسوط ومن جواك الحزن بيعصر قلبك عصر .. حرفيا احساس صعب اوي انك تدوس علي نفسك عشان تظهر بعكس احساسك و مشاعرك الحقيقية .. اوقات كتير بنضطر اننا نظهر للناس عكس اللي جوانا .. غصب عننا بنظهر اللي الحياة و الواقع فرضوه علينا .. بس مااعرفش هنفضل لغاية امتي قادرين نعيش بالشخصيتين دول .. ياتري هنقدر نتحمل لغاية امتي .. ؟!!!! 💔🖤