لما تكون راجل وبتتعامل مع بنت او ست ايآ كان وضعها ايه فى حياتك، متفكرش أن رجولتك بتبان لما تكون خشن فى تعاملك وصوتك غليظ وعالى، واسلوبك حاد وقلبك جامد، وتكون صاحب القرار الأول والأخير فى كل حاجه، ولا حتى لما بتكون تقيل وعنيد، بالعكس اى واحدة فى الدنيا عارفة ومتأكدة انها أضعف منك كراجل بكتير، عارفه أنها أضعف منك جسديآ واجتماعيآ ونفسيآ واضعف جرأه، فا أنت مش محتاج تظهر كل دا ولا ينفع يكون دا أسلوبك، خليك ديمآ الراجل اللى تحس انه بيحتويها ويحميها، الراجل اللى تحس ببطشه وقوته لما يكون ضهر ليها مش عليها، خليك فى تعاملك الراجل اللى تحب قربه اكتر وتعشق وجوده فى حياتها، خليك الراجل اللى تحب تسمع كلامه عشان مقتنعه بيه مش عشان مجبره، متخليش ايدك تخونك فى وقت من الاوقات وتترفع عليها، خلي ديمآ بصتك ونظراتك وبعدك بهدوء هما اقوى واكبر عقاب ليها ممكن تعمله، ساعتها هتتشاف سيد الرجاله والله مش اقلهم 🌹♥️
نسخ الرابط