منذ 15 ساعة

فى حياتك هتقابل ناس مفيش بينك وبينهم عشرة ولا عيش وملح ، وهتلاقيهم أجدع مليون مرة من ناس بينك وبينهم عشرة وعيش وملح ..العشرة والعيش والملح حاليًا مش ضمان كافى للإخلاص وأستمرار الود ،ولا ليهم اى أعتبار مع قليل الاصل وفقير المبادىء ،فعشان متتصدمش لازم تتوقع أى حاجة من اى حد وفى اى وقتولازم تفهم ان مفيش حاجة اسمها بينى وبينه عيش وملح ، اسمها بينى وبينه مواقف كان فيها فى ظهرى وجدع معايا ، وانا كنت فى ظهره وجدع معاه" هو ده عيش وملح ولااااااااد الاصول

متعرفش ولاد الأصول إلا في أوقات الزعل والله.. مفاهيم زي حفظ الود، استحاله يسيبك لدماغك ولا يسيبك بالايام زعلان ، ومعرفة الحد بين العتاب والإهانة والتجريح، كلها حاجات مبتبانش غير في وقت الغضب.. ابن الأصول في زعله دايمًا له حدود، لا بيكسر ولا بينكر ؛ بيصون للود والأوقات الحلوة والمُرَّة حقهم، مش ينسالك كل حاجة وانت بتعاتبه ، ماينكرش وقفتك ولا تقديرلك ليه ويدي لنفسه الحق يوجعك.. مفيش حاجة بتوجع الإنسان السوي أد الجحود وقت الزعل والله.ارزقنا باللي يسندونا في وقعتنا، ويحفظ الود ويصون العشره حتى لو شايلين مننا شوية، نتعاتب ونتصافى وإحنا مع بعض، في ضهر بعض، حافظين للمحبة حقها، يا رب.

تعرف ازاي ابن الاصول ابن الاصول بيقدر ويصون ، ابن الاصول ماينكرش وقفت حد معاه ولو موقف بسيط اوي ، ابن الاصول أفعاله وتصرفاته كلها إحترام وود ، ابن الاصول اللي ما يقبلهوش علي نفسه ما يقبلهوش علي غيره ،ابن الاصول مابيتعملش علي حسب المزاج والمود، ابن الاصول بيقدر ويصون ، ابن الاصول مبيتغيرش لوحده بدون سبب ، ابن الاصول بيكون صريح وواضح ، ابن الاصول صاحب مبدأ ثابت ، إبن الاصول استحاله يكرر نفس الأسلوب والطريقة اللي بتزعل ،ابن الاصول بيعتزر ويتأسف ، ابن الاصول مايقدرش يسيب غيره زعلان بسببه ، ابن الاصول لوغلط بيصلح غلطه ، إبن الاصول مابينساش اللي يقدره ابن الاصول مش باللبس ولا بالشياكه ولا الفلوس ولا كتر الكلام الحلو ابن الاصول بيتعرف من التصرفات والافعال

حافظ على شوية الأصول اللي اتعلمتها في بيتكم وانت صغير عشان الناس فجرت ..!😏

''ٕابن الأصول لا يتقلب مثل الفصـول... ولا ينتقل كالنحلة من زهرة إلى زهرة بين الحقول.. "ٕابن الأصول يعيش بمبدأ صحـيح وموقف صريح و لايميل أينما هبت الريح.... ابن الأصـول لا يخون عهًدا و لا يخالف وعـًدا ولا يتغير ولو عاش لوحده فردًا . ابن الأصول عملة نادرة و قيمته ذهب يعمل بالأصل ويتحـلى بالأدب ولايتعامل بالمـثل أو يتقلب لأتفه سبـب. ابن الأصول يؤمن بالفعـل ولايكترث للقول وخاسر الـود وإن عاد نادمًـا، لا وِد لهُ.👌🌹🌹🌹

Bazz Logo Download

استكشف محتوى ممتع ومشوق

انضم لأكبر تجمع للمجتمعات العربية على الإنترنت واستكشف محتوى يناسب اهتماماتك

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح