#bombshell
القائمة الكاملة لجوائز أوسكار 2020... Parasite مفاجأة الحفلانتهى قبل قليل حفل توزيع جوائز أوسكار 92، بعض الجوائز كانت متوقعة، فيما كان هناك عدد من المفاجآت.إليكم القائمة الكاملة للفائزين:- أفضل فيلم: Parasite- أفضل ممثل: واكين فينيكس عن فيلم Joker-أفضل ممثلة: رينيه زيلوجر عن فيلم Judy- أفضل ممثل مساعد: براد بيت عن فيلم Once Upon a Time in Hollywoodأفضل ممثلة مساعدة: لورا ديرن عن فيلم Marriage Story- أفضل مخرج: بونج جون هو عن فيلم Parasite- أفضل سيناريو أصلي: Parasite- أفضل سيناريو مقتبس: Jojo Rabbit- أفضل فيلم أجنبي: Parasite- أفضل فيلم رسوم متحركة: Toy Story 4- أفضل رسوم متحركة قصير: Hair Love- أفضل فيلم قصير: The Neighbors Window- أفضل تصميم إنتاج: Once Upon a Time in Hollywood- أفضل تصميم أزياء: Little Women- أفضل فيلم وثائقي طويل: American Factory- أفضل فيلم وثائقي قصير: Learning to Skateboard in a Warzone- أفضل مونتاج صوتي: Ford v Ferrari- أفضل مكساج صوتي: 1917- أفضل تصوير سينمائي: 1917- أفضل مونتاج سينمائي: Ford v Ferrari- أفضل مؤثرات بصرية: 1917- أفضل أغنية في فيلم: I'm Gonna Love Me Again عن فيلم Rocketman- أفضل موسيقى تصويرية: Joker- أفضل ماكياج وتصفيف شعر:Bombshell
ما هو فيلمكم المفضل من أفلام 2019؟ (لغاية اليوم) #Joker #OnceUponATimeInHollywood #TheIrishman #Parasite #MarriageStory #TheLighthouse #Avengers Endgame #FordVFerrari #KnivesOut #ElCamino #Bombshell #Us #JojoRabbit #UncutGems #ToyStory4 #TheLionKing #TheFarwell #Frozen2
مراجعة فيلمBombshell (2019)-------------------------------أحداث الفيلم بتدور حول فضيحة محطة فوكس الاخبارية ودعاوى التحرش الجنسي اللي أتُهم فيها رئيس الشبكة روجر آيلس. الفيلم بيركز على ٣ شخصيات: ميجان، جريتشن وكايلا(ودي شخصية خيالية). ال٣ شخصيات دول بيمثلوا فئات مختلفة ورغم انهم في نفس المكان لكن بنشوف ازاي بيتم معاملتهم ووضعهم بالنسبة لقضية زي دي. الفيلم بيبدأ من خلال شخصية ميجان اللي بتاخدنا في جولة داخل محطة فوكس وبتشرحلنا الدنيا ماشية ازاي هناك والانتماءات السياسية فيها من خلال كسر الحائط الرابع. الاسلوب ده مش بيكمل معانا اوي وكمان استخدامه مكانش بنفس فعالية The Big Short اللي شارك في كتابته تشارلز راندولف وهو مؤلف Bombshell أيضًا. الفصل الاول سريع جدًا في تقديم الشخصيات والحبكة مش بيتمهد لها بالشكل الملائم وده عيب بس بمجرد لما بننتقل للفصل الثاني الامور بتبدأ توضح اكثر و المعلومات اللي بيتم كشفها بتبقى مثيرة للاهتمام خصوصًا واحنا بنتابع منظور كل من ال٣ سيدات و روجر آيلس. رغم تعامل الفيلم مع قضية كبيرة زي دي وتشبيهها بالوضع السياسي الأمريكي إلا اني مش حاسس انه تعمق كفاية في القضية نفسها. يعني مثلًا Spotlight في تناوله لقضية التحرش بالأطفال أخد غطس كبير وتعمقنا مع ابطالنا في التفاصيل. لكن في Bombshell احنا اخدنا غطس بس مش كبير وكان في مساحة لتغطية القضية من كل جوانبها. بس أرجع واقول ان اللي تم تقديمه كان جيد كفاية انه يخليني مهتم. واكثر حاجه كنت مستمتع بها هى طبعًا الاداء التمثيلي. من الاخر كده عايز تعمل فيلم عن التحرش هات تشارليز ثيرون على طول. سبق وأبدعت في North Country وهنا هى ممتازة! صوتها وطريقة كلامها ونجاحها في عكس تعقيد شخصيتها مابين الولاء لفوكس وعدم رضاها عن معاملتها بطريقة غير محترمة وأقل مما تستحق. مارجوت روبي لها مشهدين ممتازين: مشهد مقابلة روجر آيلس ومشهد مكالمة التليفون. نيكول كيدمان رغم مساحتها الصغيرة بس سابت تأثير. بحب اشوف كيت ماكينون وشايفها موهوبة ورغم انها كويسة هنا بس شخصيتها كان ممكن الاستغناء عنها ومش هتحس بحاجه. رغم اني داخل الفيلم عشان خاطر الثلاثي المتميز: تشارليز ثيرون، نيكول كيدمان ومارجوت روبي لكن بصراحة جون ليثجو في دور روجر آيلس فاجئني جدًا وأختفى تمامًا في الشخصية.إجمالًا، Bombshell بيحكي قصة مهمة جدًا. صحيح كان ممكن يكون أفضل من كده بس في النهاية هو فيلم جيد ويستحق المشاهدة، على الأقل عشان خاطر التمثيل المتميز.7/10
نسخ الرابط