#tully
مسلسل جديد بعنوان "Lady Killer" من إنتاج شبكة #Netflix - بطولة "بليك ليفلي" مقتبس من كوميكس "Dark Horse". #القصة: عن "جوزي شولر"، التي تعيش حياة مزدوجة ما بين ربة منزل مثالية في خمسينيات القرن الماضي وقاتلة مدربة تدريباً عالياً.سيكون من كتابة: ديابلو كودي.كتبت سابقاً فيلمي:- Young Adult- Tully #LadyKiller #DarkHorse #نادي_الأفلام
استكمالًا لحصاد ٢٠١٨ لهوليوود، دي اختياراتي الشخصية للأداءات الأفضل في جميع الفئات١. أفضل ممثل رئيسي: ستيف كاريل - Beautiful Boy٢. أفضل ممثلة رئيسية: تشارليز ثيرون - Tully٣. أفضل ممثل مساعد: تيموثي شالاميه - Beautiful Boy٤. أفضل ممثلة مساعدة: إيمي آدامز - Vice
افضل 10 افلام اجنبية في 2018 ------------------------------------------------ عارف اني تأخرت في عمل القائمة دي رغم اني عملت قائمة بأسوأ 10 افلام اجنبية في 2018 وافضل الافلام المصرية وافضل افلام الرسوم المتحركة. السبب وراء تأخير القائمة كان اني استنى اشوف افلام معينة قبل الاستقرار على الاختيارات النهائية ورغم ذلك في افلام لسه ماشوفتهاش وهما: Stan & Ollie _ On the Basis of Sex _ Welcome to Marwen لكن خلاص مش عاوز اتأخر اكتر من كده ولما اشوف الافلام دي هاقولكم لو في تعديل في القائمة او لأ... طبعًا القائمة دي مش هدفها تجميع لأقوى افلام السنة او اهم الافلام اللي لازم تتشاف.... دي قائمة شخصية جدًا جدًا... ممكن افلام تكون أفضل في القيمة لكنها مش مفضلة عندي او استمتعت بها زي الافلام دي وعشان كده تعالوا نخليها فرصة لخلق نقاش سينمائي ممتع واقولكم على اختياراتي الشخصية من ضمن 82 فيلم شوفتهم من افلام 2018 وهتلاقوا لينكات لمراجعات معظم الافلام كمان... يلا بينا نبدأ العد التنازلي: 10. At Eternity's Gate افضل تقديم لشخصية فينسنت فان جوخ على شاشة السينما. قطعة فنية رائعة الجمال على المستوى البصري والسمعي مع اداء راقي ومتميز من ويليم دافو https://www.facebook.com/MovieTicketAndPopcorn/posts/2025369437582896 09. Mission: Impossible ــ Fallout كمحب كبير للسلسلة، شايف ان ده الجزء الافضل والاكثر متعة. تسلسلات اكشن رائعة التنفيذ وحابسة للانفاس. احداث سوداوية ومترابطة بالجزء السابق مع توفير مساحة للشخصيات عشان تبرز بشكل جميل https://www.facebook.com/MovieTicketAndPopcorn/posts/1774162019370307 08. Ready Player One تجربة سينمائية رائعة قدمها لنا العظيم ستيفن سبيلبيرج. مؤثرات بصرية من اعظم ما شاهدت في حياتي. فيلم مغامرات ممتع ومبهج وهيكون من الافلام اللي احب اشوفها كتيير عشان افصل من الواقع https://www.facebook.com/MovieTicketAndPopcorn/posts/1628009410652236 07. Tully رغم ان في افلام تانية افضل منه بس ده الفيلم الوحيد من افلام 2018 اللي شوفته 4 مرات وعشان كده دخل قائمتي. رغم اني شاب وده فيلم بيتكلم عن الامومة، لكن تأثرت به جدًا وحبيت معالجة الفكرة بشكل جعل نظرتي للأمهات تختلف. اداء تشارليز ثيرون عظيم وهو افضل اداء نسائي اشوفه في 2018 https://www.facebook.com/MovieTicketAndPopcorn/posts/1765084416944734 06. A Quiet Place فكرة تبدو مكررة لكن التقديم والمعالجة في غاية الابتكار. انجاز إخراجي لجون كراسينسكي يستحق التحية عليه ونجح يجعل الصمت مرعب فعلًا. جرعة ادرينالين محترمة مع اداءات تمثيلية ممتازة https://www.facebook.com/MovieTicketAndPopcorn/posts/1633519440101233 05. Searching تجربة مشاهدة مختلفة ومتفردة على المستوى الاخراجي. سيناريو مكتوب حلو. الاثارة والغموض معمولين بحرفية وكنت مندمج في الاحداث والمفاجأت والنهاية القوية. الفيلم ناجح أيضًا على المستوى الدرامي مع اداء ممتاز من جون شو 04. First Man تجربة مبهرة لداميان شازيل خارج الافلام البعيدة عن عالم الموسيقى. تركيز السيناريو على شخصية نيل أرمسترونج كان جميل وقدرت اتواصل معاه. تسلسل الهبوط على سطح القمر من افضل الحاجات اللي شوفتها في حياتي https://www.facebook.com/MovieTicketAndPopcorn/posts/1880425862077255 03. Mary Poppins Returns من اجمل الاوقات اللي قضيتها في السينما. البكاء من فرط السعادة! فيلم مبهج بشكل غير طبيعي واحب اشوفه كتيير. شكرًا لروب مارشال انه احترم الجزء الاول ورجعني للاجواء الساحرة والمبهجة بإسلوبه الجميل. وشكرًا لإيميلي بلانت 💗 https://www.facebook.com/MovieTicketAndPopcorn/posts/1976809809105526 02. Wildlife تجربة اخراجية أولى منعشة ومثيرة للاعجاب من بول دانو. الكادرات والتفاصيل روعة. سيناريو مذهل! قصة تبدو مألوفة ولكن بتتحكي من منظور الطفل. حسيت بنفس مشاعره وسالت أسئلة مالهاش اجابة وفعلًا لو انا طفل زيه مش هلاقي إجابة . الاداءات متميزة جدًا جدًا 01. Green Book رحلة ممتعة من البداية للنهاية وبنشوف علاقة صداقة جميلة. شخصيات واداءات رائعة بالإضافة للحوار البسيط والجذاب. فيلمي الاجنبي المفضل في 2018 واكتر فيلم خرجت من السينما وانا مبسوط منه وعاوز اشوفه تاني وتالت ورابع https://www.facebook.com/MovieTicketAndPopcorn/posts/1947192152067292 . وبكده انتهت اختياراتي الشخصية وفي افلام تانية كانت تستحق الدخول في قائمتي ولكن هاكتفي بذكر قائمة شرفية في التعليقات تحت.... والآن السؤال لكم: ما هو الفيلم الأجنبي المفضل لديكم من سينما 2018؟
نسخ الرابط