#astarisborn
**مراجعة فيلم🎥 🍿 **・A Star is Born (2018)من اخراج Bradley Cooper・・・ "غا غا اوه لا لا" ・・・قصة الفيلم: مغني روك مشهور يكتشف فتاة بسيطة تحمل صوت رائع ويقع في حبها ويحاول صراع الإدمان والمرض في دوامة من الشهرة والغيرة.・・・✅الإيجابيات: ليدي غاغا، غا غا او ما ما ما. رائعة كانت، الدور كان مرسوم لها وكانت مقنع جداً والكيمياء بينها وبين برادلي كوبر كانت مشحونة بالحب وحسيتهم حبيبة فعلاً. أغاني الفيلم كانت خلابة وسوف تسمتع بها بعد انتهاء الفيلم لأيام، اخراج برادلي كوبر كمخرج جديد كان جيد جداً.・・・⛔️السلبيات: صوت برادلي كوبر كان مزعج بعض الشيء، ومرور الوقت كان غير واضح في بعض المشاهد.・・・📌التقييم: راح تبقى مبتسم خلال الفيلم، ويمكن عينك راح ادمع واحتمال تكوم ترقص على الاغاني الجميلة للفيلم، نظرة على عالم الموسيقى وعالم الشهرة والحب.・・・النتيجة: 8/10・・・ #alshaikhly_AStar #astarisborn #ladygaga #مراجعة
مراجعة فيلم " A Star Is Born " " لا يوجد حرق لأحداث الفيلم " قصة الفيلم بكل بساطة بتتكلم عن جاك المغنى المشهور المدمن للكحول ؛ بيخلص فى يوم حفلة و يروح بار عادى جدا و بيشوف آلى بتغنى هناك و بيغرم بيها و بيتعرفوا على بعض و بيعرض عليها انها تغنى معاه فى حفلة و بس كده ؛ و بنتابع بعد كده احداث الفيلم أو بمعنى أصح تطور العلاقه مابينهم و بنشوف نواحى تانية لكل واحد عن علاقته مع الناس الى حواليه سواء قرايب أو صحاب ......مميزات الفيلم : اول حاجة : أداء الممثلين كلهم دون استثناءات و التجانس الى كان باين جدا بين ليدى جاجا و برادلى كوبر و أدائهم إلى فيه واقعية كبيرة من غير اى مبالغات . ثانى حاجة : الاغانى و دى من اكبر عوامل الجذب للفيلم ؛ و الفيلم موسيقيا ممتاز و فيه تنوع كبير فى الاغانى . ثالث حاجة : اخراج الفيلم لبرادلى كوبر كأول تجربة إخراجية مبشرة جدا فى النوع ده من الافلام ؛ مقدرش اقول انها كانت مبهرة او فيها حاجة ماتعملتش قبل كده لكن بشكل عام قدر يطلع الفيلم بشكل جيد جدا و كان عنده رؤية حلوة فى المشاهد الغنائية و الفصل بينها و بين المشاهد الدرامية و كان فيه استخدام كويس جدا للألوان . رابع حاجة : الواقعية فى الفيلم .. الفيلم واقعى فى كل حاجة من ناحية تطور العلاقة بينهم أو التطور فى المسيرة المهنية الموسيقية لآلى أو ردود افعال كل الشخصيات على اى حاجة إلى هاتخليك تحس اوقات انها مشاهد حقيقية مش معمولة فى فيلم . عيوب الفيلم : من وجهة نظرى العيب الوحيد مدة الفيلم كانت ممكن تبقى اقل من كده ربع او تلت ساعة كان هيبقى احلى بالنسبالى . لكن فيه حاجة تانية هاتكلم عنها كاتحذير لفئة كبيرة من الناس الفيلم ده عشان تحبه فعلا لازم تفهمه الفيلم مش هايعملك مشهد عشان تعيط فيه غصب عنك او انك تتأثر على حاجة أو أنه يجذب تعاطفك مع اى شخصية بالعافية و لا فيه التطورات و العياط المبالغ فيه الى فى افلام كتير أو معظم الافلام الرومانسية المشهورة ؛ الفيلم ماشى بأيقاع مش هقول بطئ لكن واقعى و لازم اى حد داخل الفيلم يفهم ده جدا عشان مايطلعش يقول الفيلم وحش و كنت مستنى منه حاجات تانية . فيلم " A Star IS Born " فيلم ممتاز و حابب اشوفه تانى و انصح اى حد يشوفه بس يقرا الكلمتين الى فوق دول عشان لو حس أنه مش على هواه وده مش عيب مايدخلوش احسنله . تقييمى للفيلم ....... ( 8.5 / 10 ) . #KhaledEssamReviews #AStarIsBorn
نسخ الرابط